तीन दिनअघि कोरोना खोप लगाएका कांग्रेस नेता दाहालको निधन

0
179

काठमाडौं । नेपाली कांग्रेसका ओखलढुङ्गाका नेता मित्रसेन दाहालको निधन भएको छ । कांग्रेस महासमिति सदस्य समेत रहेका दाहालको गएराति हृदयघातका कारण निधन भएको हो ।

उनी गत निर्वाचनमा ओखलढुंगा प्रदेश ‘क’ का प्रत्याशी उमेद्वार समेत रहेका थिए ।

नेपालको प्रजातान्त्रिक आन्दोलन, ओखलढुंगा जिल्लाको विकास निर्माण तथा विभिन्न सामाजिक कार्यहरुमा दाहाले पुर्‍याएको योगदान अतुलनीय रहेको कांग्रेसका महामन्त्री शशांक कोइरालाले बताए ।

सामाजिक सञ्जालमा लेख्दै महामन्त्री कोइरालाले दाहालको निधनले भौतिक उपस्थितिको अभाव सदैव महसुस भइरहने बताए ।

नेपालमा फेरि नयाँ प्रकारकाे को- रोना भाइरस फैलिएको आशंका ! को- रोनाविरुद्धको दोस्रो चरणको खोप शुरु भएकै दिन नेपालमा नयाँ प्रजातिको को- रोना भाइरस फैलिएको अनुमान इपिडिमियोलोजी तथा रोग नियन्त्रण महाशाखाले गरेको छ ।

केही समयअघि बेलायतबाट नेपाल आएका चार जनामा को- रोना भाइरस पुष्टि भएसँगै उनीहरूको सम्पर्कमा आएका मानिसमा पनि संक्रमण सरेको आशंका गरिएको छ ।भाइरस पुष्टि भएका एक व्यक्ति दुई हप्ताअघि मुक्तिनाथ दर्शन गरी पोखरा हुँदै काठमाडौं फर्किएका थिए । उनीहरुसँगै सम्पर्कमा आएका पोखराका १२ जनाको नमुना परीक्षण गर्दा सबै व्यक्तिहरुमा ‘एस जिन’ नेगेटिभ आएपछि उनीहरुमा पनि नयाँ प्रजातिको को- रोना भाइरस भएको आंशंका गरिएको महाशाखाले जनाएको छ ।

इपिडिमियोलोजी तथा रोग नियन्त्रण महाशाखाका निर्देशक डा. कृष्ण पौडेल भन्छन्– ‘केही व्यक्तिहरुमा नयाँ प्रजातिको आंशका गरिएको भए पनि जिन सिक्वेन्सी जाँच भने गरिएको छैन । कन्ट्याक्ट ट्रेसिङमा परेका व्यक्तिहरु एस जिन नेगेटिभ आएकाले नयाँ प्रजातिको भाइरसको आशंका गरिएको भए पनि निश्चित भइसकेको छैन । आशंका गरिएका व्यक्तिहरुको स्वास्थ्य अवस्था भने सामान्य नै रहेको छ ।’

भेरियन्ट प्रजातिको नयाँ भाइरस हो होइन भन्ने पहिचान गर्नका लागि ‘जिनोम सिक्वेन्सिङ’ गरेर मात्र पत्ता लगाउन सकिन्छ । यो परीक्षण अहिले नेपालमा शुरु भइनसकेको र एक सातापछि शुरु हुने डा. पौडेल बताउँछन् । आशंका गरिएका व्यक्तिहरुको विदेश भ्रमणको तथ्यांक नभएको भए पनि जनस्वास्थ्य प्रयोगशाला टेकुमा विभिन्न जिल्लाबाट यस्ता नमुना भने फटाफट आउन थालेका छन् ।

बेलायतमा पछिल्लो समय देखापरेका नयाँ भेरियन्ट को- रोना भाइरसको दाँजोमा ७० प्रतिशत छिटो फैलने गरेको छ र यो अहिलेसम्म विश्वका ८० भन्दा बढी देशमा फैलिसकेको विश्व स्वास्थ्य संगठनले जनाएको छ । याे खबर आजको नेपाल समाचारपत्र दैनिकमा रहेकाे छ ।

LEAVE A REPLY

Please enter your comment!
Please enter your name here